[:es]
Viraventos chama á reflexión e a sensibilización aos cidadans do barrio da Agra do Orzán a través da acción
“O racismo e o lixo bótao aquí”.
O día de hoxe amenceu diferente na Agra do Orzán, as papeleiras e colectores recordabannos a cada paso que é preciso seguir loitando contra o racismo.
Eu non son racista pero…”
Se non hai para todos, primeiro os de aquí”
Hoxe en día o racismo adopta formas diversas, ainda que cun nexo común, alimentado de prexuizos, sempre conleva discriminación, segregación, rexeitamento á cultura e aos valores alleos.
O racismo pode manifestarse en condutas violentas ou agresivas pero tamén é racismo a negación de dereitos (especialmente en materias como a sanidade, a educación ou os servicios básicos), os desprezos ou os falsos estereotipos.
Deste xeito, non cabe dúbida que día tras día, estamos a vivir actos e actitudes de racismo, dende os poderes políticos, dende os medios de comunicación e por suposto tamén dende a sociedade civil.
É por isto que tal día como hoxe, o Día Internacional contra a discriminación racial, Viraventos quere chamar á atención e á reflexión da poboación a través dunha pegada de carteis en todalas papeleiras da Rúa Barcelona e rúas perpendiculares, baixo o lema “O racismo e o lixo bótao aquí”.
[:gl]
Viraventos chama á reflexión e a sensibilización aos cidadans do barrio da Agra do Orzán a través da acción
“O racismo e o lixo botao aquí”.
[:]
