Hoxe soupemos que a gastronomia mexicana é Patrimonio da Humanidade, e a verdade é que a este grupiño que participamos no Obradoiro non nos sorprendeu en demasía. Entramos na cociña cunhas expectativas moi altas e Rosalba non nos defraudou.

Rosalba, unha avogada mexicana, chegou á Coruña namorada de Galicia e dun galego, e así nolo contou mentras cociñamos “Platillo de Cochinita Pibil” e “Mole Verde Jauja cocina”. Xunt@s fixemos un repaso pola súa vida e polas tradicións e costumes mexicanas e galegas.

A gastronomia mexicana é Patrimonio da Humanidade polo antigo das súas raíces. Ingredientes como o millo, o chile e o frijol son herdanza milenaria dos seus antepasados. Estes elementos sobreviviron á mestizaxe cultural e ao paso do tempo, o cal os converte en tesouros históricos, dignos de ser preservados.  Polo seu papel como elemento de identidade. A comida mexicana é colorida,  alegre e moi creativa. Ademais, os ingredientes base son orixinarios desta mesma terra e forman unha parte fundamental do noso esquema de nutrición. Pola súa diversidade. Cando falamos da gastronomía de México, en realidade referímonos a un gran colectivo de tradicións culinarias tan variadas como as cociñas poblana, yucateca, oaxaqueña, etc. Aínda que os ingredientes son parecidos, o espectro de sabores e combinacións é moi amplo e cada rexión ten algo que achegar.