O comunicador, actor e guionista Lamine Thior chega A Coruña co seu espectáculo Españul, da man de Viraventos, Yarama África e a Fundación Emalcsa.
Españul é unha viaxe de 5.000Km sen moverse da butaca, a través do cal Lamine Thior nárranos as súas orixes desde Senegal a Alxeciras, onde se criou e as vicisitudes que viviu como persoa negra criada en España.
Un monólogo de 90 minutos cheo de contrastes culturais cos seus amigos, a peculiar relación que ten coa súa nai e a súa primeira conciencia da existencia do racismo, o que supón pasar de ser un “neno negrito adorable” a un “negro adulto criminalizado“.
Lamine convídanos a analizar os nosos prexuízos a través de historias con transfondo social que sempre acaban con finais rocambolescos, rompendo con inesperados gags de humor sobre os seus intentos infrutuosos de ligar, que unha e outra vez lle levarán a momentos do máis surrealistas. Trátase dnha experiencia única con momentos de reflexión e unha mensaxe interna moi poderosa de superación na que as risas están aseguradas.
Lamine Thior: “En España se pasa de ser un negro adorable a ser un delincuente en potencia perseguido por la policía”
Nacido en Senegal e criado en Alxeciras (Cádiz), Lamine Thior é todo un comunicador multidisciplinar do sector do entretemento, traballando como actor, presentador, guionista, cómico e creador de contido. Lamine utiliza o humor como ferramenta para combater os prexuízos en todos os ámbitos creativos, xa sexan os seus shows de comedia ou o seu contido para redes sociais, en 2018 comezou a súa carreira no mundo do Stand up comedy co seu show Españul, o cal leva de xira por toda España.
O seu podcast “No hay negros en el Tíbet” o cal realiza xunto con Asaari Bibang e Frank T. foi galardoado o pasado ano 2023 co premio ODA á Mellor creación en novos medios. En televisión participou na produción de RTVE estreada o pasado mes de xaneiro chamada “La ley del mar”, e actualmente é colaborador no programa “El Intermedio” da Sexta.
Non tiñamos dúbida de que as máis de 500 persoas que agardaron durante horas para ver a Lamine, atoparíanse cunha experiencia única con momentos de reflexión e unha mensaxe interna moi poderosa na que as risas estaban máis que aseguradas.
Esta actividade forma parte do proxecto XPRESAT pola diversidade da ONG Viraventos en colaboración con Yarama África, e financiado pola Fundación Emalcsa.