Viraventos retoma a súa actividade formativa. Desde o día 23 de outubro temos en funcionamento dous grupos de aprendizaxe de español e outro de competencias dixitais básicas. Os cursos repetiranse entre decembro e marzo asi que todas as persoas interesadas poden solicitar información e inscribirse no teléfono 881 889 460, no correo electrónico info@viraventos.org ou directamente no noso local, na rúa Mosteiro de Caaveiro nº 4, baixo, A Coruña.
Os grupos de español actuais funcionan en horario de mañá luns, mércores e venres, cun nivel de iniciación e outro máis avanzado. O de informática (martes e xoves pola tarde) pretende dar unha formación básica no manexo de ordenadores e internet.
Esta actuación está subvencionada pola Dirección Xeral de Inclusión da Xunta de Galicia a través da Orde do 2 de xuño de 2015 de subvencións a entidades de iniciativa social para a promoción de actividades de servizos sociais comunitarios e inclusión social (DOG núm.108 do 10/06/2015), enmarcada dentro do Programa Operativo do FSE Galicia 2014-2020, no seu obxectivo 9 “Promover a inclusión social e loitar contra a pobreza e calquera forma de discriminación”.
