Entramos na Coordinadora Galega de ONGD

Home / Novas / Entramos na Coordinadora Galega de ONGD
Entramos na Coordinadora Galega de ONGD

A Asemblea Xeral da Coordinadora Galega de ONGD celebrada o 24 de abril de en Santiago de Compostela aprobou por unanimidade a incorporación de Viraventos. A Coordinadora agrupa máis de 40 entidades que traballan no ámbito da cooperación ao desenvolvemento, a acción humanitaria e de emerxencia, a educación para o desenvolvemento e a incidencia política. Nacida no 1991, como espazo de intercambio e reflexión das ONGD integradas, impulsa a súa acción conxunta na procura da “erradicación da pobreza nun marco de desenvolvemento sostible e de promoción dos Dereitos Humanos, que propugne a eliminación de calquera tipo de discriminación, e que promocione a igualdade entre mulleres e homes”.

A coordinadora promove e defende unha mellora da calidade da cooperación ao desenvolvemento e representa ao sector na interlocución coas institucións públicas e privadas galegas así coma con outras redes sectoriais e coordinadoras autonomicas.

Para Viraventos a incorporación á Coordinadora é unha oportunidade para aprender da traxectoria doutras organizacións, compartir esforzos e ampliar os espazos de intercambio e colaboración con entidades afíns.

Para saber máis: http://www.galiciasolidaria.org

Na foto, un momento da asemblea que aprobou a incorporación de Viraventos

asemblea ONGD participantes

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies