A ignorancia é o peor dos muros

Home / Novas / A ignorancia é o peor dos muros
A ignorancia é o peor dos muros

Dous mil mortos en sete meses é algo arrepiante, catastrófico. Acostumarse a esas cifras, horroroso. Consentir que a Unión Europea e os seus estados asistan impasibles a esa masacre, inxustificable. Xa non abonda coa compaixón ou a solidariedade. Os afogados no Mediterráneo, os dramas de Ceuta, Melilla, Sicilia e agora Calais reclaman de nós outra atitude.

Debemos esforzarnos por comprender e explicar activamente as causas dos fenómenos migratorios e combatir a pasividade e a ignorancia. Ollar para outro lado ou non querer ver non vai mudar esta característica do noso tempo. A xente ten -temos- dereito a procurar un futuro mellor e a fuxir de conflitos que converten a milleiros de persoas en vítimas inocentes. Os muros de incomprensión e intolerancia non resolverán o problema. Precisamos de pontes.

Sociedades como a galega, que sabe por amarga experiencia da dureza da emigración, debemos dar exemplo de acollida, convencidos de que quen nos visita para vivir e traballar connosco está tamén a contribuír positivamente ao futuro do noso País.

Máis información:

http://internacional.elpais.com/internacional/2015/08/04/actualidad/1438693175_440161.html

http://ethic.es/2015/07/ellos-son-nosotros/

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies